Máis Alálá  

Xelís de Toro / Alejandro Vargas

Fotografías: Manuel Vilariño

Caixa con 19 postais / Prezo: 15 €

A idea de vangarda en Galiza está inevitabelmente ligada á figura de Manoel Antonio, cuxo suco poético serviu de asento a grande parte da poesía galega contemporánea e actual. Non obstante, a multiplicidade de posibilidades de (re)lectura da súa obra tense habitualmente reducido ás olladas máis académicas. Xelís de Toro, quen percorreu sempre camiños pouco transitados ou descoñecidos na nosa literatura (ben desde a letra impresa, ben desde o corpo e a palabra en acción) achéganos, xunto ao músico cubano (tamén abeirado aos vieiros da experimentación) Alejandro Vargas, un traxecto de exploración poética e sonora inusual a partir dos poemas que o autor rianxeiro nos deixou en De catro a catro. Un xogo a través de dezanove postais con códigos QR que remiten a cadansúa peza poético-sonora. As imaxes das postais inclúen fotos de Manuel Vilariño e imaxes caligráficas dos autores.