Colección CALÍOPE

A musa Calíope asociábase na antigüidade co canto fermoso, coa voz viva e fértil. Dicíase que era considerada, a modo de xuíza cabal, na resolución de certos conflitos que os deuses olímpicos tiñan. Perseguíaa tamén a fama de ser a máis altiva de todas as irmás: dicían que o seu torso reflectía unha certa insondabilidade e que a súa presenza producía o terror característico dos que habitan as lagoas de máis difícil acceso. Por iso a convocamos para que amadriñase a nosa Colección de Literatura. Con ela voaremos nunha singradura na que veremos obras de autores galegos, pero tamén de fóra, orixinalmente escritas na nosa lingua ou traducidas a esta. Para nós só quedará, tras o paso delicado pero intenso de Calíope, a aspiración ao deserto puro, á selva febril, ao enredado ámbito do soño furioso.