Tar0t Esquizoan4lise  

Alg-a Laboratorio

22 cartas + folleto despregábel / Prezo: 8€

Tar0t Esquizoan4lise é un mazo de cartas de tarot asociadas a unha serie de conceptos, pautas e contidos web, que se pode utilizar de modo independente ou complementariamente a través da interacción mediante os códigos QR presentes en cada carta. O tarot forma parte de Herm3TICa —proxecto de innovación, desenvolvemento e investigación en Artes Escénicas e Visuais a través das novas tecnoloxías (TIC)— e do Laboratorio de Esquizoanálise —alternativa performativa á psicanálise e á súa clínica—, un espazo de investigación, de produción e de recreación. O proxecto reformula o concepto hermética mediante a utilización de novas tecnoloxías nun espazo no que o pechado físicamente se converte en aberto a través de cámaras e sensores, interactividade e posibilidade de telepresenza, xerando un contexto de lectura vencellado á hermenéutica, mais saíndo do escollo do suxeito pensante; a súa relatividade, a cuestión de quen é o que interpreta; e situándonos nun ámbito social, epocal, colectivo: os dispositivos tecnolóxicos, o espazo videovixiado e as conexións telemáticas.